Konstıtýtsııalyq sot qurylady - Toqaev

NUR-SULTAN. QazAqparat - Konstıtýtsııalyq sot qurylady. Bul týraly QR Prezıdenti Qasym-Jomart Toqaev Konstıtýtsııaǵa ózgerister men tolyqtyrýlar engizý máselelerine qatysty beıneúndeýinde aıtty, dep habarlaıdy QazAqparat.

«Konstıtýtsııanyń jańarǵan nusqasynda Prezıdenttiń barlyq saıası kúshter men partııalardan derbestigin bekitý kózdelgen. Memleket basshysynyń jaqyn týystaryna saıası laýazym ıelenýge jáne kvazımemlekettik sektorda basshylyq qyzmet atqarýǵa tyıym salynady. Sondaı-aq quqyq qorǵaý salasy boıynsha mańyzdy ózgerister engiziledi. Atap aıtsaq, Konstıtýtsııalyq sot qurylady. Adam quqyqtary jónindegi ýákildiń, ıaǵnı ombýdsmenniń mártebesi Ata zańmen aıqyndalady. Elimizde ólim jazasy múlde joıylady. Munyń bári azamattardyń quqyqtary men bostandyqtaryn qorǵaý úshin jasalyp jatyr. Aldaǵy konstıtýtsııalyq reforma el damýynyń jańa kezeńi bastalǵanyn kórsetedi», - dedi Prezıdent.