Konstıtýtsııalyq reformanyń eń basty maqsaty memlekettiligimiz ben Táýelsizdigimizdi nyǵaıtý - Áshimbaev
Bul týraly QR Parlamenti Senatynyń tóraǵasy Máýlen Áshimbaev óziniń Facebook-tegi paraqshasynda jazdy, dep habarlaıdy QazAqparat.
«Sondyqtan bir top senatormen birge Túrkistan qalasynda Qoja Ahmet ıAsaýı atyndaǵy Qazaq-túrik halyqaralyq ýnıversıtetiniń oqytýshylarymen jáne stýdentterimen kezdesip, qolǵa alynǵan saıası bastamalardy jan-jaqty talqyladyq.
Ózgerister, eń aldymen, adam quqyǵyn qorǵaýdy, ádilettilik qaǵıdaty men zań ústemdigin qamtamasyz etýdi jáne barshaǵa birdeı teń múmkindik jasaýdy kózdeıdi. Parlamenttiń róli men halyq aldyndaǵy jaýapkershiligin kúsheıtý de negizgi mindetterdiń biri. Jergilikti atqarýshy jáne ókildi organdardyń derbestigin arttyrý, saıası monopolııany boldyrmaý úshin qolǵa alynǵan basymdyqtardyń da máni joǵary. Kezdesýde osy máselelerge keńinen toqtalyp, konstıtýtsııalyq reformanyń eń basty maqsaty memlekettiligimiz ben Táýelsizdigimizdi nyǵaıtý ekenin aıttym»,-dep jazdy Senat tóraǵasy.
«Osy rette jastarymyzdyń belsendiligin erekshe atap ótkim keledi. Olar jańarý men jańǵyrý jolyndaǵy isterge atsalysýǵa daıyn ekenderin jetkizdi.
Oblysqa sapar barysynda óńirdegi áleýmettik kásipkerlermen de kezdestim. Bul sala Senattyń basty nazarynda ekeni málim. Osy baǵytta eńbek etip júrgen túrkistandyq kásipkerler búgingi reformalardan úlken úmit kútetinderin aıtty. Oblystaǵy áleýmettik kásipkerliktiń jaı-kúıi men ony ári qaraı damytý máselesi de áńgimemizge arqaý boldy.
Kentaý qalasyndaǵy transformator zaýytyna da arnaıy at basyn burdyq. Zaýyt ujymymen kezdesýde saıası ózgeristerdiń salmaǵy men negizgi basymdyqtaryn sóz ettik. Jańa Konstıtýtsııada ár azamattyń, onyń ishinde eńbek adamdarynyń quqyǵyn qorǵaýǵa jáne barlyq salada ádilettilik ornatýǵa basymdyq beriletinin aıttyq.
Osy oraıda Túrkistan jurty aldaǵy referendýmge belsendi qatysyp, Jańa Qazaqstan qurý isine úlken úles qosady dep senemiz jáne soǵan shaqyramyz»,-deıdi Máýlen Áshimbaev.
Foto: senate.parlam.kz
