Konstıtýtsııalyq reformalar saıası tıimdilikti arttyrady - sarapshy

ASTANA. QazAqparat - Qazaqstandyq sarapshynyń paıymynsha, Prezıdenttiń úndeýinde jarııalanǵan bılik tarmaqtary arasynda ókilettikterdi qaıta bólý qadamdary saıası tıimdilikti arttyrady, dep habarlaıdy QazAqparat.

«Prezıdent baǵdarlamasy búginde álemde bolyp jatqan qurylymdyq ózgeristerge elimizdi beıimdeýge múmkindik beredi. Ókilettikterdi qaıta bólý bılik tarmaqtarynyń, sonymen qatar basqarýshylyq elıtanyń saıası ókilettigin kóteredi. Jalpy, memlekettik basqarýdyń barsha júıesiniń tıimdiligin arttyrady»,-dedi «Sayasat.org» ınternet basylymynyń shef-redaktory Baýyrjan Tólegenov.

Budan buryn habarlanǵandaı, úndeý barysynda Elbasy Nursultan Nazarbaev Qazaqstanda Úkimetti jasaqtaýda Parlamenttiń róli kúsheıtiletinin málim etti.

«Qazir zamannyń dıdary ózgerdi. Biz de ózgerýge tıispiz. Sol sebepti memlekettiń basqarý júıesin de jańǵyrtatyn kez  keldi. Men eldiń múddesi men zamannyń talabyn, urpaqtyń bolashaǵyn oılaı otyryp osyndaı baılam jasadym.  Arnaıy qurylǵan jumys toby atqarylǵan isterdi baıandady. Reforma eki negizgi baǵyt boıynsha iske asady. Birinshiden,  Prezıdenttiń  áleýmettik-ekonomıkalyq protsesterdi retteýdegi birshama ókiletterin Úkimetke jáne basqa da atqarýshy organdarǵa bergen jón dep sanadym», - dedi QR Prezıdenti.