Konstıtýtsııalyq reformalar is júzinde fazasyna endi - Prezıdent

NUR-SULTAN. QazAqparat – Konstıtýtsııalyq reformalar is júzindegi fazasyna endi. Bul týraly Qazaqstan halqy Assambleıasynyń «El birligi – jańarǵan Qazaqstannyń tiregi» atty HHHІ sessııasynda Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Qoǵam elimizdi jańǵyrtý protsesine qatysty ózekti máselelerdi belsendi túrde talqylap jatyr jáne bul durys ta. Pikirtalas túbegeıli saıası transformatsııa men ekonomıkalyq reformalarǵa baǵyttalǵan baǵdardyń talap etiletindigin dáleldeıdi», - dep atap ótti Memleket basshysy.

Prezıdent Assambleıa sessııasyn jańa formatta ótkizýge nıet tanytqandardyń bárine sóz sóıleýge múmkindik bergenin aıtty.

«Keshe jalpy talqylaý barysynda Assambleıa músheleri uıymymyzdyń qazirgi kún tártibin jan-jaqty talqylady. Aıtylǵan usynystardyń barlyǵy jiti zerdelenip, olardyń árqaısysy boıynsha naqty sheshim qabyldanady. Meniń naýryzdaǵy Joldaýymdy júzege asyrý bastalyp ketti. Konstıtýtsııalyq reformalar is júzindegi fazasyna endi. Júrgizilip jatqan reformalarǵa áleýmettik qoldaýdy keńeıtý jáne nyǵaıtýda Assambleıa úlken ról oınaıdy jáne de Assambleıa meniń úmitimdi aqtaıdy», - dedi Prezıdent.

Osyǵan deıin Prezıdenttiń Ata zańǵa ózgeris engizýge qatysty jalpyulttyq referendým ótkizýdi usynǵanyn jazdyq.