Konstıtýtsııalyq reforma - ýaqyt talabymen úndesken úderis - Bektaı Ormanov

ASTANA. QazAqparat - Qolǵa alynyp jatqan konstıtýtsııalyq reforma qoǵamdyq úderisterdi odan ári demokratııalandyrýǵa baǵyttalǵan Elbasy saıasatynyń júıeli jalǵasy bolyp tabylady.

Mundaı pikirin QR Prezıdenti janyndaǵy Qazaqstannyń strategııalyq zertteýler ınstıtýty OQO ókildiginiń jetekshisi Bektaı Ormanov bildirdi.  

«Bılik tarmaqtarynyń aıqyndalǵan arasalmaǵy men arajigi ózgeristerdiń basymdyǵy retinde  belgilenýde. Osy ýaqytqa deıin Prezıdentke júktelip kelgen ókilettikterdiń Úkimetke berilýi memlekettik ınstıtýttar arasyndaǵy is-qımyldy jetildirýge septesip, qoǵam aldynda esep beretin kásibı mınıstrler kabınetin jasaqtaýǵa múmkindik ashady. 

Úkimetke áleýmettik-ekonomıkalyq úderisterdi jeke-dara retteý quqyǵy men memlekettik baǵdarlamalardy derbes bekitý ókilettikteriniń berilýi, mınıstrlikterdiń jobalardy ázirleý jáne júzege asyrý kezeńinde-aq tártibin kúsheıtedi. Búgingi tańda bul mindetter ózekti bolyp tabylady jáne Memleket basshysynyń bıylǵy Qazaqstan halqyna arnaǵan  «Qazaqstannyń úshinshi jańǵyrýy: jahandyq básekege qabilettilik» atty Joldaýynda  júktelgen tapsyrmalardy jedel iske asyrýǵa jeteleıdi», - dep atap ótti B.Ormanov.