Konstıtýtsııalyq reforma qoǵamdy ári qaraı demokratııalandyrýǵa baǵyttalǵan - Prezıdent
QR Prezıdenti konstıtýtsııalyq reformanyń mańyzdy máselelerine qatysty zań jobasynyń baǵyt-baǵdary aıqyn ekendigin basa aıtty.
«Ondaǵy ózgerister qoǵamdy ary qaraı demokratııalandyrýǵa baǵyttalǵan. Parlamenttiń rólin arttyryp, Úkimettiń derbestigi men jaýapkershiligin kúsheıtýge arnalǵan jobalar. Ol quqyq qorǵaý, sot júıesi, konstıtýtsııalyq baqylaýdyń negizderin de jetildiredi. Sonymen bul jobada Parlament talqylaýyna Konstıtýtsııanyń 23 babyna ózgerister usynylyp otyr. Meniń tapsyrammen Úkimet Prezıdenttiń sharýashylyq basqarý salasyndaǵy 35 ókilettigin tómengi deńgeıge berý jóninde zań jobasyn daıyndaıdy», - dedi Elbasy.
Munan bólek, Memleket basshysy basqa da zańdarda kórsetilgen prezıdenttiń ókilettikteri de Parlament pen Úkimettiń quzyryna beriletindigin atap ótti.
«Zańdar da uzamaı Parlamentke engiziletin bolady. Biz osy zańdar arqyly bılik tarmaqtary men olardyń arasyndaǵy ókilettikterdi barynsha tıimdi etip qaıta bólemiz. Osynyń barly jahandyq jáne óńirlik syn-qaterlerge ýaqytyly jaýap berip, aldyn alý úshin jasalýda», - dedi Nazarbaev.
