Konstıtýtsııalyq keńestiń kórsetken normalaryn tıisti konstıtýtsııalyq zańdar deńgeıinde-aq retke keltirýge bolady - senator B. Imashev
Búgin QR Parlamenti palatalarynyń birlesken otyrysynda «Qazaqstan Respýblıkasynyń Konstıtýtsııasyna tolyqtyrý engizý týraly» zań jobasyn talqylaý barysynda sóz sóılegen Senat depýtaty Berik Imashev osylaı málim etti.
«Árıne, bul zańnamalyq bastama Konstıtýtsııalyq Keńestiń sheshimine qatysty jasalǵan reaktsııa bolyp tabylady. Bul turǵydan toqtala ketetin jaıt, Konstıtýtsııalyq Keńes óz sheshiminde respýblıkalyq referendýmda memleket ómiri úshin mańyzdy sanalatyn kez kelgen másele sheshimin tabatyndyǵyn eskertken bolatyn. Al ondaı mańyzdy máselege QR Tuńǵysh Prezıdenti - Elbasynyń prezıdenttik ókilettigin uzartý referendýmyn da jatqyzýǵa bolatyn edi. Sonymen birge, Parlament qabyldaǵan zańdy Negizgi zańǵa sáıkes emes dep tanyǵan Konstıtýtsııalyq Keńes bundaı ókilettikti uzartýdyń birretki nemese qaıtalanatyn sıpaty anyqtalmaǵandyǵyna, ne bolmasa Elbasynyń saılaýdan tolyǵymen bas tartýy kózdeletini aıqyn emestigine nazar aýdarǵan edi. Bizdiń pikirimizshe, Konstıtýtsııalyq keńestiń osy sheshimi talas týdyrady. Bundaı jaǵdaıda, zańger, quqyqtanýshy retinde shaǵymdaný protsedýrasyn paıdalanyp, Konstıtýtsııalyq Keńestiń sheshimine qarsylyq bildirýge de bolatyn edi. Al Konstıtýtsııalyq keńestiń kórsetken normalaryn mindetti túrde zańmen bekitý kerek bolsa, ony Negizgi zańmen emes, tıisti konstıtýtsııalyq zańdar deńgeıinde-aq retke keltirýge bolady», - dedi senator.
Bul rette Berik Imashev bul aıtylǵandar tek óziniń zańger retindegi jeke pikiri ekendigin eskertip ótti. «Alaıda, bul jaǵdaıda máseleniń qoǵamdyq mańyzyna nazar aýdara kele, Elbasy kúrdeli jaıttan shyǵý jolyn nusqap, daýly máseleni zańnamalyq protsedýralar arqyly sheshýge shekteý jasady», - dedi senator.
