Konstıtýtsııaǵa Prezıdent ókilettigi boıynsha ógerister engiziledi – Qanat Mýsın
NUR-SULTAN. QazAqparat – QR Ádilet mınıstri Qanat Mýsın Prezıdent Joldaýy aıasynda zańnamaǵa qandaı ózgerister engiziletinin aıtty, dep habarlaıdy QazAqparat tilshisi.
«Memleket basshysy óziniń 2022 jylǵy 16 naýryzdaǵy Joldaýynda saıası reformalardyń 10 negizgi baǵytyn belgiledi. Búgingi kúni osy Joldaýdy iske asyrý jónindegi Jalpyulttyq jospardyń jobasy ázirlendi», - degen mınıstr Joldaý aıasynda qolǵa alynatynyn normatıvtik sharalardy atady.
Atap aıtsaq, Konstıtýtsııaǵa:
- Prezıdent ókilettigi,
- onyń laýazymda bolýyna baılanysty shekteýler,
- Ortalyq saılaý komıssııasynyń, Esep Komıtetiniń, Konstıtýtsııalyq Keńestiń tóraǵalary men músheleriniń saıası partııalardan shyǵýy,
- Parlament Senaty men Májilisin qalyptastyrý tártibi jáne onyń fýnktsııalary,
- Respýblıkalyq bıýdjettiń atqarylýyn baqylaý jónindegi Esep komıtetin Joǵary Aýdıtorlyq Palataǵa qaıta qurý,
- máslıhattardy qalyptastyrý tártibi,
- azamattardyń, Bas prokýrordyń jáne adam quqyqtary jónindegi ýákildiń de ótinish jasaýyna múmkindik bere otyryp, Konstıtýtsııalyq Sot qurý,
- ólim jazasyn joıý týraly sheshimdi Konstıtýtsııada bekitý máseleleri boıynsha ózgerister engizý sharalary qabyldanady.
«Osy blok boıynsha zań jobasyn ázirleý 2022 jylǵy sáýirde josparlanýda», - dedi Qanat Mýsın.
