Konstıtýtsııaǵa ózgeris engiziletindikten mundaı saılaý sońǵy ret ótip jatyr - QR Prezıdenti

NUR-SULTAN. QazAqparat - Aldaǵy ýaqytta Konstıtýtsııaǵa ózgeris engiziletindikten mundaı formattaǵy saılaý sońǵy ret ótip jatyr, dedi búgin QR Prezıdenti Qasym-Jomart Toqaev.

Bul týraly Memleket basshysy Qazaqstan halqy Assambleıasynyń HHH sessııasy aıasynda QR Parlamenti Májilisiniń shyǵyp qalǵan depýtatynyń ornyna QHA atynan usynylatyn depýtatty saılaýda daýys bergennen keıin, depýtattyqqa úmitkerlerdiń senimdi ókilderimen kezdesýinda aıtty.

«Biraq bizdiń Parlamentte Qazaqstan halqy Assambleıasynyń tıisti oryndary saqtalady», – dedi Qasym-Jomart Toqaev.

Buǵan deıin Memleket basshysy Qazaqstan halqyna arnaǵan Joldaýynda Konstıtýtsııaǵa ózgertýler engizýdi usynǵan bolatyn. Osy rette QHA kvotasy Májilisten Senatqa aýystyrylyp, depýtattar sany 9-dan 5-ke deıin qysqarady.