Konstıtýtsııada halyqaralyq jáne áleýmettik jaǵdaılar tolyq eskerilgen – qyrǵyzstandyq saıasattanýshy

BІShKEK. QazAqparat – Konstıtýtsııalyq ózgesirter búgingi halyqaralyq jáne ishki áleýmettik jaǵdaılardy eskere otyryp jasalǵan. Qyrǵyzstandyq saıasattaný jáne zań ǵylymdarynyń doktory Qanatbek Azız osyndaı pikir bildirdi, dep habarlaıdy QazAqparat tilshisi.

«Ótken referendým - Qazaqstan qoǵamy men bıligi úshin mańyzdy protsess. Men asa nazar aýdarǵan negizgi ózgeristerdiń biri - sýperprezıdenttik basqarý júıesinen bas tartý. Buryn Qyrǵyzstanda sýperprezıdenttik júıe boldy. Ol kezde bizdiń elde kóptegen kadrlyq qatelik oryn aldy, jergilikti jerlerde áleýmettik máseleler týyndady. Tájirıbe kórsetkendeı, bir qolǵa shoǵyrlanǵan bılikke qaraǵanda, aralas bıliktiń jumysy nátıjeli bolady», - dedi Qanatbek Azız.

Saıasattanýshynyń pikirinshe, Konstıtýtsııalyq ózgesirter búgingi halyqaralyq jáne ishki áleýmettik jaǵdaılardy eskere otyryp jasalǵan. Onyń sózinshe, bul - eldiń turaqty ári tabysty damýyn qamtamasyz etedi. Sondaı-aq saıasattanýshy majorıtarlyq saılaý júıesine kóshýge qatysty pikir bildiri.

«Bul ýaqytqa deıin Qazaqstan Parlamenti saılaýshylarǵa tikeleı qatysty bolǵan joq. Al endi ózgergen Konstıtýtsııa boıynsha Parlament múshelerin halyq taǵaıyndaıdy, olardyń qyzmetin merziminen buryn toqtata alady. Taıaýda Qyrǵyzstan da osy majorıtarlyq júıeni qaıtarý bastamasyn kóterdi. ıAǵnı, depýtat qandaı da bir saıası partııaǵa emes, tikeleı saılaýshyǵa baılanysty bolýy qajet», - dep atap ótti saıasattaný ǵylymdarynyń doktory.

Budan bólek Qanatbek Azız taıaýda bolýy múmkin ózgeristerge toqtaldy. Saıasattanýshynyń paıymynsha, Parlament ózgergen Kostıtýtsııaǵa saı kezekten tys saılaý ótkizýi múmkin.