Konstıtýtsııa kúniniń qarsańynda Qaraǵandy oblystyq órtke qarsy qyzmetiniń 33 jańa qyzmetshisi ant qabyldady
QARAǴANDY. 28 tamyz. QazAqparat - Búgin Qaraǵandyda órtke qarsy qyzmettiń 33 jańa qyzmetshisi ant qabyldady, dep habarlady Qaraǵandy oblystyq TJD-niń órt sóndirý jáne apattyq-qutqarý jumystarynyń qyzmetinen.
Saltanatty rásim dástúr boıynsha qaza tapqan órt sóndirýshilerdiń eskertkishiniń qasynda ótti. «Ant qabyldaýdy Konstıtýtsııa kúnine oraılastyrdyq», - dep atap ótedi vedomstvodan.
Jańadan qabyldanýshylar órtke qarsy qyzmet mektebinde bastapqy daıyndyqtan ótip, endi oblystyń órtke qarsy bólimshelerinde qyzmet etedi.
«Antty qabyldaı otyryp, Sizder memleketimizdiń zańnamasy men Negizgi zańy - Konstıtýtsııany saqtaı otyryp, Qazaqstan Respýblıkasyna adal qyzmet etýge, adamdardyń ómirleri men múlikterin órtten aman saqtap qalýǵa mindettenip otyrsyzdar. Sizderdiń eńbekterińizge tabys jáne barlyq jaqsylyqtardy tileımin», - dep bildirdi tilegin oblystyq TJD «Órt sóndirý qyzmeti jáne apattyq-qutqarý jumystary» MM bastyǵynyń orynbasary, órtke qarsy qyzmet polkovnıgi Búrkit Muqashov.
