Konstıtýtsııa kúnine oraı «Úlkenge qurmet - Ata zańdaǵy mindet» aktsııasy ótedi - QHA

ASTANA. QazAqparat - 28 tamyz kúni Astana qalasynda Qazaqstan halqy Assambleıasynyń «Beıbitshilik pen kelisimniń jol kartasy» jobasy sheńberinde «Úlkenge qurmet - Ata zańdaǵy mindet» atty qaıyrymdylyq aktsııasy ótedi, dep habarlady QHA baspasóz qyzmetinen.

Aktsııa maqsaty - qarııalardy Qazaqstan Respýblıkasynyń Ata Zań kúnimen quttyqtaý.

Іs-shara aıasynda Astana qalasynyń QHA etnomádenı birlestikteriniń shyǵarmashylyq ujymdarynyń uıymdastyrýymen merekelik kontsert ótedi. «Sonymen qatar, merekede qarttardy QR Parlament Májilisi depýtattary, Astana qalasy QHA hatshylyǵy men etnomádenı birlestikter basshylyry quttyqtaıdy», delingen habarlamada.