Konstıtýtsııa kúninde júzge jýyq elordalyq polıtsııa qyzmetkerleri marapatqa ıe boldy
Quttyqtaý sózinde Astana qalasy ІІD bastyǵy polıtsııa general-maıory Amantaı Áýbákirov jeke quramǵa qyzmetti adal oryndap, azamattardyń bostandyqtary men konstıtýttsııalyq quqyqtaryn abyroımen qorǵaýdy tiledi.
«Memleketimizdiń Ata Zańy - Konstıtýtsııa tatýlyqtyń irgetasy, Qazaqstandyqtardyń teń quqyqtary men múmkindikteriniń kepili bolyp tabylady.
Konstıtýtsııa qoǵamda demokratııany damytýda jáne elde azamattyq beıbitshilik pen kelisimdi nyǵaıtýǵa serpin berdi. Eń bastysy - Konstıtýttsııa azamattyń quqyǵy men bostandyǵyn qorǵaıtyn negizgi zań. Konstıtýttsııalyq normalardyń áleýeti qoǵamymyzdyń búgingi jetistikteriniń tuǵyry. Azamattardyń zańdy múddesi men bostandyǵyn, konstıtýttsııalyq quqyqtaryn qorǵaýdy qamtamasyz etýde kúsh-jigerimizdi aıamaıtyndyǵymyzǵa senemiz», - dep polıtsııa generaly atap ketti.
Dástúrge saı, ataýly merekede qyzmette erekshelengen tártip saqshylaryn marapattaý jóninde buıryqtarǵa qol qoıyldy. Saltanatty shara barysynda Іshki ister mınıstrligi men Astana qalasy ІІD basshylyǵynyń atynan júzge jýyq polıtsııa qyzmetkeri qol saǵattarmen, gramota jáne alǵys hattarmen marapattaldy.