Konstıtýtsııa kúni óskemendik jastar jeke kýálik aldy
ÓSKEMEN. QazAqparat – Óskemen qalalyq polıtsııa basqarmasynyń Kóshi-qon qyzmeti Konstıtýtsııa kúnin saltanatty merekege aınaldyryp, jas jetkinshekterge jeke kýálik tapsyrdy, dep habarlaıdy QazAqparat tilshisi ShQO Polıtsııa departamentiniń baspasóz qyzmetine silteme jasap.
Konstıtýtsııa kúni Kóshi-qon qyzmeti ortalyǵy 16 jasqa tolǵan jetkinshekterge arnap merekelik shara uıymdastyrdy. Jas jetkinshekterdiń ómirindegi mańyzdy kún erekshe este qalary anyq. Ortalyqqa búgin arnaıy bes ul men qyz bala shaqyrylǵan.
Alǵash ret jeke kýálik alǵandardy Kóshi-qon qyzmetiniń bólim bastyǵy ıÝlııa Jandabekova quttyqtady.
Aıta ketsek, qazaqstandyqtar búgin Ata Zańymyz – Konstıtýtsııa kúnin toılap jatyr. Qazaqstan Respýblıkasy Konstıtýtsııasynyń joǵary zańdyq kúshi bar. Munyń máni – memlekettik organdar qabyldaıtyn zańdar men normatıvtik aktiler Konstıtýtsııaǵa qaıshy kelmeıtin bolýǵa tıis degendi bildiredi. Memlekettik organnyń qandaıy bolsa da – jergilikti organdar da, ortalyq organdar da, kez kelgen laýazymdy tulǵa, barlyq azamattar, olardyń birlestikteri Konstıtýtsııa qaǵıdalaryn saqtaýy kerek.
