Konstıtýtsııa kúni qazaqstandyq estrada juldyzdary Astanada óner kórsetedi (FOTO)
Merekelik kontsertter Ortalyq alańda, «Báıterek» monýmentiniń aldyndaǵy alańda, sondaı-aq «Stýdenttik» parkte bolady, dep habarlady Astana qalasynyń mádenıet basqarmasy.
Elorda turǵyndary men qonaqtary Zattybek Kópbosynov, Marjan Arapbaeva, Dosymjan Tańatarov, Ardaq Balajanova, «Jigitter» toby jáne t.b. kóptegen tanymal ártisterdiń qatysýymen ótetin qyzyqty kontserttik baǵdarlamany tamashalaıdy. Sonymen qatar, Memlekettik akademııalyq fılarmonııa ártisteri men «Terra» bı teatrynyń ártisteri de óz shyǵarmashylyǵyn kópshilik nazaryna usynatyn bolady.
Budan basqa, 29 tamyzda Astanada saǵat 10:00-da Ata zańymyzdyń 20 jyldyǵyn merekeleý aıasynda «Astana-dýatlon 2015» sporttyq-buqaralyq sharasy uıymdastyrylady. Jarys eki kezeńnen turady: velojarys - 15 shaqyrymdyq jáne júgirý - 5 shaqyrymdyq. Jarys aıaqtalǵan soń «Báıterek» monýmentiniń aldyndaǵy alańda jeńimpazdardy marapattaý saltanaty, qazaqstandyq ártisterdiń qatysýymen merekelik kontsert ótedi.