Konstıtýtsııa kúni qarsańynda jemisti eńbek etken Joǵarǵy sot qyzmetkerleri marapattaldy
Іs-sharaǵa Joǵarǵy sot Tóraǵasy Qaırat Mámı, Parlament Májilisi Zańnama jáne sot-quqyqtyq reforma komıtetiniń tóraǵasy Rahmet Muqashev, Joǵarǵy Sot sýdıalary, Qazaqstan Respýblıkasy Sýdıalar odaǵynyń músheleri, Joǵarǵy sot janyndaǵy Sottardyń qyzmetin qamtamasyz etý departamentiniń basshylyǵy men qyzmetkerleri, Joǵarǵy sottyń otstavkadaǵy sýdıalary men ardagerler qatysty.
Saltanatty sharany ashqan Joǵarǵy sot Tóraǵasy Qaırat Mámı qatysýshylardy Qazaqstan Respýblıkasy Konstıtýtsııasynyń 20 jyldyq mereıtoıymen quttyqtap, bul merekeniń memleket pen qoǵamnyń damýyndaǵy jáne árbir qazaqstandyqtyń ómirindegi rólin atap ótti.
«Osydan jıyrma jyl buryn jeti mıllıonnan astam qazaqstandyq 1995 jylǵy 30 tamyzdaǵy búkilhalyqtyq referendýmda - qazirgi Konstıtýtsııany qabyldaý úshin biraýyzdan daýys berip, óziniń tarıhı tańdaýyn jasaǵan edi. Osylaısha, halqymyzdyń ǵasyrlar boıǵy asyl armany júzege asyp, táýelsiz elimizdiń jańa Ata zańy dúnıege keldi. Konstıtýtsııamyz sol ýaqyttan beri respýblıkadaǵy tatýlyǵy jarasqan barlyq ulttardyń bir shańyraq astynda alańsyz ómir súrýin qamtamasyz etýde», - dep atap ótti Joǵarǵy Sot Tóraǵasy.
Q.Mámı jıynǵa qatysýshylardy Memleket basshysynyń bastamasymen júzege asyrylyp jatqan «100 naqty qadam - barshaǵa arnalǵan qazirgi zamanǵy memleket» atty Ult jospary sheńberinde sot júıesin reformalaý jaıynan habardar etti. Sondaı-aq sýdıalardy irikteý júıesin jetildirý, úsh satyly sot júıesine kóshý máselelerine aıryqsha kóńil bólindi.
Sonymen qatar jıynda Parlament Májilisi Zańnama jáne sot-quqyqtyq reforma komıtetiniń tóraǵasy R.Muqashev jáne Joǵarǵy Sot sýdıasy, respýblıkanyń Sýdıalar odaǵy Ortalyq Keńesiniń múshesi U.Súleımenova quttyqtaý sóz sóıledi.
Saltanatty shara barysynda Joǵarǵy Sot sýdıalary men Departament qyzmetkerlerine Elbasy Jarlyǵyna sáıkes «Qazaqstan Konstıtýtsııasyna 20 jyl» mereıtoılyq medali, aıryqsha belgiler, Qurmet gramotalary men Alǵys hattar tapsyryldy.
Zańgerlik salasynda kóp jyldyq, minsiz jáne jemisti eńbek etkeni úshin «Qazaqstannyń qurmetti zańgeri» medalimen Joǵarǵy Sot Tóraǵasy Qaırat Mámı, Joǵarǵy Sottyń otstavkadaǵy sýdıalary M.Nurbekov pen D.Qurmanova marapattaldy.
«Qazaqstan Konstıtýtsııasyna 20 jyl» mereıtoılyq medalimen Joǵarǵy Sottyń azamattyq jáne ákimshilik ister jónindegi qadaǵalaýshy sot alqasynyń tóraǵasy E.Ábdiqadyrovqa, Joǵarǵy Sottyń otstavkadaǵy sýdıalary T.Aıtmuhametovke, N.Sýhanovaǵa, G.Maqajanovaǵa, A.Lınnıkke, V.Býlovıchke, M.Malahovqa jáne K.Jalmuhanbetovke tabystaldy.
Joǵarǵy Sottyń otstavkadaǵy sýdıalary M.Babýshkın, T.Berqalıeva, N.Synǵalıeva vedomstvolyq nagrada aldy.
Respýblıkanyń Sýdıalar odaǵynyń atynan «Úsh bı» qurmet belgisi Joǵarǵy Sot sýdıasy M.Janǵuttınovke, Qurmet gramotasy Joǵarǵy Sot sýdıasy J.Arharovaǵa tabys etildi.
Іs-shara sońynda Joǵarǵy Sot Tóraǵasy Q.Mámı marapattalǵandardy quttyqtap, sot júıesin damytýdaǵy jumystaryna tabys tiledi.
