Konstıtýtsııa kúni qarsańynda 40 aqtóbelik otbasy baspanaly boldy
ASTANA. QazAqparat - QR Konstıtýtsııasy kúni qarsańynda Aqtóbede jańa perspektıvti «Batys-2» shaǵyn aýdanynda ornalasqan kópqabatty turǵyn úı paıdalanýǵa berildi, dep habarlaıdy oblystyq ákimdiktiń baspasóz qyzmeti.
Jýyrda 40 otbasy ədemi zamanaýı ərlengen, sonyń ishinde turǵyn úı qurylys jınaq júıesine qatysyp, satyp alǵan jańa pəterlerge kóshetin bolady.
Kiltti búgin, 29 tamyzda Aqtóbe oblysynyń əkimi Berdibek Saparbaev tabys etti.
- Memleketimizdiń, el prezıdentiniń saıasaty eń aldymen ekonomıkalyq ósimdi qamtamasyz etýge, halyqtyń ál-aýqatyn arttyrýǵa baǵyttalǵan. Qazaqstanda azamattardyń baspanamen qamtylý quqyqtaryna kepildik bar, jáne memleket atalmysh quqyqty júzege asyrý úshin barlyq qajetti sharalardy qoldanýda. Ótken jyly oblys boıynsha 610 myń sharshy metrden astam turǵyn úı paıdalaýǵa berilip, 5 myńǵa tarta otbasy jańa páterli boldy. Jeti jyl buryn «Batys-2» shaǵyn aýdanynyń orny bos jatqan jer bolatyn, al búginde ol - árbir eki-úsh aı saıyn kezekti kópqabatty turǵyn úıdi paıdalanýǵa beretin zamanaýı turǵyn úı alaby. «Nurly jer» baǵdarlamasyn júzege asyrý «Nur Aqtóbe» turǵyn úı alabynda da belsendi túrde úıler salýǵa múmkindik beredi. Oblys basshylyǵynyń atynan sizderdi Konstıtýtsııa kúnimen jáne baspanaly bolýlaryńyzben quttyqtaımyn, - dedi Berdibek Saparbaev jańa qonystanýshylarǵa qarata aıtqan sózinde.
Aıta ketý kerek, 2017 jyldyń qorytyndysy boıynsha Aqtóbe oblysynda kem degende 650 myń sharshy metr turǵyn úıdi paıdalanýǵa berý josparda bar.
Óńir basshysy sondaı-aq, negizgi mindeti balalardyń oıyn jáne rýhanı damytý bolyp tabylatyn «Balalyq shaqtyń rezıdentsııasy» balanyń úılesimdi damýy ortalyǵynyń ashylý saltanatynda da boldy. Atap aıtqanda, kún saıyn mektepke deıingi 800-ge tarta bala horeografııa, beıneleý óneri, mentaldyq matematıka úıirmelerine, sporttyq sektsııalarǵa jáne t.b. bara alady.
Balalyq shaqtyń rezıdentsııasy júz adamdy turaqty jumys ornymen qamtyǵan jańa kópfýnktsıonaldy keshende ornalasqan. Sondaı-aq, keshenniń birinshi qabatynda qalalyq ákimdik pen kommýnaldyq kásiporyndar kórsetetin memlekettik qyzmettiń barlyq túrin usynatyn jańa ortalyqty ornalastyrý josparda bar.
