Konstıtýtsııa kúni: Aqtóbede 30 metrlik týtuǵyr ornatyldy

AQTÓBE. QazAqparat - Aqtóbede Konstıtýtsııa kúnine oraı 30 metrlik týtuǵyr ornatyldy, dep habarlaıdy QazAqparat tilshisi oblys ákiminiń baspasóz qyzmetine silteme jasap.

Aqtóbe qalasy 12-shaǵynaýdannyń aınalma jolynda ornatylǵan týtuǵyr saltanatty túrde ashyldy.

Sharaǵa oblys ákimi Ońdasyn Orazalın, memlekettik organdardyń basshylary, qoǵam ókilderi qatysty.

Elimizdiń týy Táýelsizdiktiń 30 jyldyǵyna oraı áskerı orkestr oryndaǵan memlekettik gımnniń áýenimen 30 metrlik bıiktikke kóterildi. Sondaı-aq, osy kúni QR Tuńǵysh Prezıdenti atyndaǵy saıabaqta sporttyń tehnıkalyq túrleri boıynsha oblystyq jeke-komandalyq chempıonat ótti.

Sońǵy atalǵan chempıonatqa radıobasqarýy bar avto, keme jáne áýe úlgileýshi toqsan sportshy jınaldy. Onyń ishinde Orynbordan kelgender de bar. Tóreshiler men sportshylar da Tuńǵysh Prezıdent atyndaǵy saıabaqtaǵy toǵan akvatorııiniń keme úlgileý sportyna jaqsy úılesetinin atap ótip, sharanyń uıymdastyrylý deńgeıine joǵary baǵa berdi.
Jeńimpazdar men júldegerler Aqtóbe oblystyq dene shynyqtyrý jáne sport basqarmasynyń maqtaý qaǵazdarymen, medaldarymen, kýboktarymen jáne baǵaly syılyqtarymen marapattaldy.

Jıyn sońynda oblys ákimi óńirde tehnıkalyq sport túrlerin damytý boıynsha birqatar tapsyrmalar berip, bul jas urpaqtyń ınjenerlik mamandyqtarǵa qyzyǵýshylyǵyn kóterýge múmkindik beretinin atap ótti.