Konstıtýtsııa kúni Abaı oblysynda 10 otbasyǵa jańa úıdiń kilti tabystaldy

ShAR. QazAqparat – Abaı oblysynda kópbalaly analar men halyqtyń áleýmettik osal toptarynan shyqqan azamattar Shar qalasynan jańa baspananyń kiltin aldy, dep habarlaıdy QazAqparat.

60 sharshy metrlik páterlerde barlyq jaǵdaı jasalǵan. Bólingen aýmaq qosalqy sharýashylyqty damytýǵa yńǵaıly.

Keleshekte qalanyń osy bóliginde shaǵyn aýdan qurý josparlanyp otyr, onda osy úlgidegi turǵyn úı qurylysy jalǵasady.

Qala turǵyny, kópbalaly ana, kúmis medal ıegeri Aıgúl Qaırahanova, sondaı-aq «Jarma Qurylys-Gaz» JShS merdigerlik uıymynyń basshysy Dınara Isabaeva qatysýshylarǵa alǵysyn bildirip, jyly lebizin jetkizdi.

Aıta keteıik, «Qýatty óńirler – el damýynyń draıveri» ulttyq jobasy aıasynda qalada 5 eki páterli turǵyn úıdiń qurylysy aıaqtaldy. Kópbalaly analar men halyqtyń áleýmettik osal toptarynan shyqqan azamattar jańa páterge ıe boldy.