Konstıtýtsııa - bizdiń araıly azamattyǵymyzdyń aınymas aıǵaǵy, jarqyn bolashaǵymyzdyń buljymas baǵdary, elimizdiń altyn arqaýy, tolaǵaı tabystarymyzdyń qaınar bastaýy - Elbasy

ASTANA. Tamyzdyń 30-y. QazAqparat /Marlan Jıembaı/ - Konstıtýtsııa - bizdiń araıly azamattyǵymyzdyń aınymas aıǵaǵy, jarqyn bolashaǵymyzdyń buljymas baǵdary, elimizdiń altyn arqaýy, tolaǵaı tabystarymyzdyń qaınar bastaýy. Bul týraly Memleket basshysy elordada ótip jatqan Konstıtýtsııanyń 15 jyldyǵyna arnalǵan áskerı sherý barysynda aıtty.

Búgin el Konstıtýtsııasyna 15 jyl toldy. Bul bizdiń memleketimiz úshin mereıli meje, aıyryqsha mańyzdy kún. Barshańyzdy osy ulyq merekemen shyn júrekten quttyqtaımyn, dedi Memleket basshysy.

QR Prezıdenti ataly sheshimge toqtaǵan dana halqymyzdyń túrli zań men jarǵyǵa, mızam men erejege baǵynǵandyǵyn atap ótti. «Ordabasy men Ulytaýda, Nartóbe men Kúltóbede keleli keńes qurǵan zańdy basshylyqqa alyp ortalyqqa uıysqan berekeli halqymyzdyń birligi nyǵaıa túsken. Olar sol tustaǵy eńseli eldiktiń belgileri edi», dedi N. Nazarbaev.