Konstıtýtsııa arqyly quqyqtyq memlekettiń negizi qalandy - Serik Túımebaev
dep habarlaıdy QazAqparat.
1995 jyly el bolyp qabyldaǵan Konstıtýtsııamyz búgingi kúnde óziniń ómirsheńdigin jáne bolashaǵynyń kemel ekendigin kórsetip otyr. «Konstıtýtsııamyzdyń ereksheligi - elimizdiń prezıdenttik bolyp aıqyndalýy. Bul qıyn-qystaý kezeńderde jyldam, ári durys sheshimder qabyldaýǵa múmkindik berdi. Memleketimizdiń búgingi kúngi jaǵdaıy sol kúnderi qabyldanǵan sheshimderdiń durystyǵynyń dáleli bolyp tabylady», deıdi S.Túımebaev.
Sonymen qatar, ol qazirgi kúni qaı salada bolmasyn Qazaqstan alǵa ilgerilegen jáne Konstıtýtsııamyz elimizdiń demokratııalyq memleket bolyp qalyptasýyna, onyń áleýmettik-ekonomıkalyq damýyna óz úlesin qosqandyǵyn aıtady. «Búgingi kúnde Elbasy aıtqandaı, Konstıtýtsııanyń áleýeti, múmkinshilikteri áli mol. 2007 jyly Konstıtýtsııaǵa ózgerister men tolyqtyrýlar engizilgen bolatyn. Bul da saıası reformalardyń odan ary qaraı jalǵasýynyń aıǵaǵy. Bul elimizdiń demokratııalyq prıntsıpter men demokratııalyq qundylyqtarǵa umtylýynyń joǵary ekenin kórsetedi», dep atap ótti Serik Túımebaev.