Jańa Ata zańda qazaq tiliniń mártebesi kúsheıtildi – Baqyt Nurmuhanov

ASTANA. KAZINFORM – Konstıtsııa jobasynynyń 9-babynda «teń» sózi «qatar» dep ózgertildi. Bul týraly Konstıtýtsııalyq reformalar jónindegi komıssııanyń H otyrysynda Konstıtýtsııalyq sot tóraǵasynyń orynbasary Baqyt Nurmuhanov aıtty.

- 9-bap naqtylanyp, «teń» sózi «qatar» dep aýystyryldy. 50 jáne 51-baptarda «ótinish» degen sózder «málimdeme» dep alyndy. Qazaq tilindegi sóılem quraý erekshelikterin eskere otyryp, orys tilindegi «ıavlıaetsıa» degen sóz syzyqshamen aýystyryldy. Osylaısha, qazaq tilinde «bolyp tabylady» degen sózder alynyp tastaldy. Mundaı ózgeris birneshe bapty qamtyp otyr. Bul baǵyttaǵy sharýamyz ári qaraı jalǵasa beretin bolady.

Aıta keteıik, Konstıtýtsııa jobasynyń 9-babynyń 2-tarmaǵynda «Memlekettik uıymdarda jáne jergilikti ózin-ózi basqarý organdarynda orys tili resmı túrde qazaq tilimen teń qoldanylady» dep jazylǵan.

Baqyt Nurmuhanovtyń aıtýynsha, Konstıtýtsııa jobasynyń memlekettik jáne orys tilderindegi mátinderin jetildirý jumysy úzdiksiz júrgizilip jatyr.