Konstantın Ponomarev: «Gennadıı Golovkın - tańǵalarlyq boksshy, odan úırenerim kóp»
ASTANA. QazAqparat - Bolashaǵy zor reseılik kásipqoı boksshy Konstantın Ponomarev Gennadıı Golovkınniń jattyqtyrýshysy Abel Sanchespen óz jumysy jaıly talqylady, sonymen birge Gennadıı týraly pikirimen bólisti.
«Sanches - óte saýatty ári talap etetin jattyqtyrýshy, al adam retinde ony kóńildi, meıirimdi, parasatty ári sabyrly adam retinde sıpattaýǵa bolady. Basynda onyń meniń oıyn tásilderimdi «syndyrady» dep oılaǵan edim. Abel bolsa barlyǵyn týra solaı istep, oǵan agressııa men salqyndylyqty qosýdy, qattyraq soǵyp, qoldaryn bas jaqta ustap turýdy surady. Bul maǵan qazir keregi! Menimen birge burynǵy dostarym men promoýterlik kompanııanyń sportshylary Denıs Shafıkov pen Murat Gassıev jattyǵyp júr. Olardyń munda kelgenine kóp bolmaǵanymen, fızıka men soqqy kúshin ıgerip aldy. Bul úmittendiredi. Biz jattyqtyrýshy salyp bergen úsh qabatty úıde turamyz. Birinshi qabatynda bokstyń sharshy alańy, jattyqtyǵatyn zal jáne haýyz bar. Ekinshi jáne úshinshi qabatta - qonaq úı bólmeleri, as ishetin bólme, jýynatyn jáne kıim jýatyn bólmeler ornalasqan. Kóp uzamaı osynda kelesi jekpe-jegine daıyndalý úshin ataqty pancher Gennadıı Golovkın kelýi tıis. Onyń qalaı jumys isteıtinin qatty kórgim keledi. Gennadıı Golovkın - tańǵalarlyq boksshy, odan úırenerim kóp», - dedi K.Ponomaroev.
