Konstantın Bortsov - qysqy Azııa oıyndarynyń kúmis júldegeri
HARBIN.KAZINFORM - Qazaqstandyq shańǵyshy Konstantın Bortsov Qytaıdyń Harbın qalasynda ótip jatqan qysqy Azııa oıyndarynyń kúmis jldegeri atandy.
Shańǵymen syrǵanaýdan erler arasyndaǵy qysqa qashyqtyq jarysynda, qazaqstandyq Konstantın Bortsov 2 mınýt 58.28 sekýnd nátıje kórsetip, úshinshi orynnan kóringen edi. Alaıda, tóreshiler ekinshi kelgen japondyq sportshynyń ereje buzǵanyn anyqtap, jarys nátıjesiniń kúshin joıdy.
Osylaısha otandasymyzdyń qola júldesi kúmis medalǵa ózgerdi.
Taǵy bir qazaqstandyq Oljas Klımın tórtinshi orynnan kórindi.
Aıta keteıik, bul - Qazaqstan quramasynyń Harbındegi qysqy Azıadada jeńip alǵan úshinshi kúmis medaly.
Osyǵan deıin short-trekten Qazaqstan komandasy aralas estafedan (2000 metr) kúmis medal jeńip alǵan edi.
Sondaı-aq, Evgenıı Koshkın konkımen júgirýden ekinshi kúmis aldy.