Konservilengen jáne óńdelgen kókónister 25%-ǵa qymbattady

ASTANA. QazAqparat – Bıyl qańtar–sáýir aılarynda elimizde 7,04 myń tonna óńdelgen jáne konservilengen kókónis (kartoptan basqa) óndirildi. Bul ótken jylmen salystyrǵanda 6,7%-ǵa artyq, dep habarlaıdy QazAqparat Energyprom.kz resýrsyna silteme jasap.

Jyl basynan beri 3,09 myń tonna kókónis jáne 3,72 myń tonna qyzanaq konservileri óndirildi.

Sonymen qatar 1,29 mıllıon lıtr kókónis shyryny óndirildi. Onyń ishinde 1,25 mıllıon lıtr qyzanaq shyryny bar.

Bıyl mamyrdaǵy qorytyndy boıynsha óńdelgen jáne konservilengen kókónisterdiń baǵasy bir aıda 1,4%-ǵa jáne bir jylda birden 24,6%-ǵa ósti. Ótken jylmen salystyrsaq, 16,7%-ǵa ósken.

Óńdelgen jáne konservilengen kókónis kóbine BQO-da qymbattaǵany baıqaldy (jyl ishinde 43,4%-ǵa ósken). Odan bólek, Jetisý oblysy men Qyzylorda jáne Mańǵystaý oblysynda baǵanyń aıtarlyqtaı óskeni baıqaldy.

Mamyr aıyndaǵy qorytyndy kórsetkendeı, azdaǵan qymbattaý Ulytaý oblysynda tirkeldi sol sııaqty Aqtóbe jáne Atyraý oblystary da osy qatarda.

Óńdelgen nemese konservilengen kókónis arasynda jyl ishindegi eń joǵary baǵa jasyl burshaqqa (30,3%) tıesili.

Odan keıin konservilengen júgeri (28,1%), konservilengen jáne marınadtalǵan kókónis (27,6%) jáne muzdatylǵan kókónis (24,9%).

Tuzdalǵan jáne marınadtalǵan qııar 24,1%, kartop chıpteri 21,9%, tuzdalǵan jáne marınadtalǵan sańyraýqulaqtar bir jylda 21,1%-ǵa qymbattady. Kókónis shyryndary bir aıda 1,9%, al jyl ishinde 27%-ǵa qymbattaǵan.

Óńirler arasynda kókónis shyryndarynyń eń joǵary baǵasy taǵy da BQO-da tirkeldi (jyl ishinde 52,8%-ǵa qymbattady). Odan keıin Jetisý oblysy (42,8%), ShQO (38,1%) jáne Túrkistan oblysy (36,7%).

Al Almatyda (13,8%), sondaı-aq Almaty oblysy (20,6%) jáne SQO-da (20,7%) kókónis shyryndary azdap qymbattady.