Konsaltıngtik qyzmettiń áleýetti tutynýshylary bolyp tabylatyn kompanııalardyń 33 paızy ǵana ol týraly durys túsinikte
ALMATY. Qańtardyń 19-y. QazAqparat /Erlik Erjanuly/ - Kompanııalardyń 38 paıyzy konsaltıngtik qyzmetti paıdalaný týraly eshqashan oılanyp ta kórmegen.
Bul búgin Almatyda ótken Qazaqstandaǵy konsaltıngtik jáne bıznes-trenıng qyzmeti naryǵynyń alǵashqy keshendi marketıngtik zertteýiniń qorytyndylaryna arnalǵan baspasóz máslıhatynda aıtyldy, dep habarlaıdy QazAqparat.
«Qazaqstannyń konsaltıngtik qyzmet narǵynda usynym suranymnan aıtarlyqtaı joǵary. Mundaı ahýal aldymen usynylatyn qyzmettiń tómen sapasyna baılanysty. Naryq kezdeısoq adamdarǵa toly. Al ekinshiden, kásipkerlik mádeıeti tómen. Sondaı-aq konsaltıngtik kompanııalarǵa memleket tarapynan qoldaý joq. Olarǵa grant beretin halyqaralyq donorlar Qazaqstandaǵy bıznes týraly maǵlumaty az», deıdi «BISAM Central Asia» bıznes, aqparat, áleýmettik jáne marketıngtik zertteýler ortalyǵynyń» prezıdenti Leonıd Gýrevıch. Onyń aıtýynsha, Qazaqstanda tirkelgen konsaltıngtik kompanııalardyń úshten ekisi - qyzmetkerleriniń sany 2-5 adamnan turatyn shaǵyn bıznes sýbektileri. Árbir onynshy kompanııada keńes berýshilerdiń turaqty shtaty joq. Konsaltıngtik qyzmettiń áleýetti tutynýshylary bolyp tabylatyn kompanııalardyń 33 paıyzy ǵana konsaltıng týraly durys túsinikke ıe. Respondentterdiń 71 paızy eshqashan konsaltıngtik qyzmetti paıdalanyp kórmegen. 42 paıyzy eshqashan jáne eshbir jaǵdaıda konsaltıng qyzmetin paıdalanbaımyz dese, 38 paıyzy kásibı keńes berýshilerdiń qyzmetin paıdalaný týraly oılanyp ta kórmegen. Zertteý konsaltıngtik naryqtyń zerttelmegenin aıqyn ańǵartty. Usynym suranymdy eskermeı qalyptasqan. Máselen, konsaltıngtik 1 kompanııaǵa Qazaqstanda 194 bıznes kompanııasynan kelse, Reseıde ol 1500-di quraıdy.
