Konor Makgregordi kólik qaǵyp ketti
ASTANA. QazAqparat – Irlandııalyq erejesiz jekpe-jek sheberi Konor Makgregordi kólik qaǵyp ketti. Bul týraly ol áleýmettik jelide jazdy, dep habarlaıdy QazAqparat.
UFC-diń orta salmaqtaǵy burynǵy chempıony velosıpedpen kele jatqan. Óziniń paıymdaýynsha, kún sáýlesi shaǵylysyp, kólik júrgizýshisi ony kórmeı qalsa kerek. Makgregor jol-kólik oqıǵasynan jeńil qutylǵanyn aıtady.
«Kólik artymnan soqty. Kún sáýlesi kózine túsip, júrgizýshi meni kórmeı qaldy. Joǵary jyldamdyqpen kele jatqan. Qudaıǵa shúkir, álde de kórer jaryǵym bar eken. Kúres pen dzıýdaǵa rahmet. Durys qulaı bilýimniń arqasynda aman qaldym», - dep jazǵan ol.
