Konor MakGregor sporttyq mansabyn aıaqtady
NUR-SULTAN. QazAqparat – Aralas jekpe-jek óneriniń sheberi, orta salmaqta UFC-diń burynǵy chempıony Konor MakGregor sporttyq mansabyn aıaqtady. Bul týraly ırlandııalyq sportshy óziniń Twitter-degi paraqshasynda jazdy.
«Men kareramdy aıaqtaýdy jón dep sheshtim. Keremet estelikter úshin rahmet! Bul dańqty jol boldy! Mynaý Las-Vegasta ótken chempıondyq jekpe-jekterimniń birinen keıin anam túsirgen sýret. Armanyńdaǵy úıdi tańda, men seni súıemin! Qalaǵanyńdy jasaımyn», - dep jazdy Makgregor.
Aıta keteıik, bul MakGregor-dyń sporttan ketemin degen alǵashqy málimdemesi emes. Buǵan deıin ol 2019 jyldyń naýryzynda sportpen qoshtasatynyn aıtyp, biraq keıin oktagonǵa qaıta oralǵan edi. Al karerasyn aıaqtaıtyny týraly alǵash ret 2016 jyldyń sáýirinde habarlaǵan. Alaıda sol jyly tamyzda jekpe-jek ótkizgen edi.
foto: vestikavkaza.ru