Konor Makgregor ómirindegi tuńǵysh boks aıqasyna qalaı daıyndalyp jatqanyn kórsetti
ASTANA. QazAqparat - Aty ańyzǵa aınalǵan ırlandııalyq MMA sheberi Konor Makgregor birde-bir márte jeńilip kórmegen Floıd Meıvezermen bolatyn kezdesýge daıyndalyp jatyr. Irlandııalyq jattyǵý barysyn Instagram paraqshasynda jarııalady, dep habardaıdy «QazAqparat» HAA tilshisi segodnya.ua aqparat kózine silteme jasap.
Makgregor boks kezdesýin birinshi márte ótkizbek. Aıqas boks tártibi boıynsha 26 tamyzda Las-Vegas qalasynda ótedi.
«Sizder eshqashan mundaı shuǵyl qımyldy kórgen joqsyzdar», - dep jazdy Konor Makgregor.
28 jastaǵy ırlandııalyq osy ýaqytqa deıin MMA alańynda 24 kezdesý ótkizip, 21-de jeńiske jetken. Al jasy qyryqqa jetken Floıd Meıvezerdiń 2015 jylǵa deıin búkil salmaq boıynsha eń úzdik boksshy retinde ataǵy shyqqan. Boksshy 49 kezdesý ótkizip, bárin de jeńiske jetken.
Sarapshylardyń kóbi Makgregordyń múmkindigi az degendi aıtady. Biraq, Meıvezerdiń de soıylyn soǵyp otyrǵandar barshylyq.
