Konor Makgregor Irlandııa prezıdenttigine úmitker bolý oıyn ózgertti

ASTANA.KAZINFORM - Burynǵy UFC chempıony Konor Makgregor Irlandııadaǵy prezıdenttik saılaýdan óz kandıdatýrasyn alyp tastaıtynyn málimdedi, dep habarlaıdy Kazinform menshikti tilshisi.

Bul týraly boksshy óziniń X paraqshasynda jazdy.

- Otbasymmen keńeskennen keıin men prezıdenttik básekeden óz kandıdatýramdy alyp tastaımyn dep sheshtim. Bul ońaı sheshim bolǵan joq, biraq dál qazir bul durys sheshim dep oılaımyn. Men bul saılaýǵa qatyspasam da, Irlandııaǵa degen adaldyǵym munymen shektelmeıdi. Men Irlandııanyń sheteldegi múddesin ilgeriletý, eldiń ekonomıkalyq múmkindikteri men ashyqtyǵyn nyǵaıtý úshin óz halqyma qyzmet etýdi jalǵastyra beremin, - dedi Makgregor.

Sonymen birge burynǵy UFC chempıony bul saılaý ózi úshin sońǵy saılaý bolmaıtynyna sendirdi.

— Aldaǵy ýaqytta áli de meniń saılaý ýchaskesinde sizderdiń quqyqtaryńyz úshin kúresip, elimizdiń múddesin qorǵap júrgenimdi kóresizder. Bul meniń saıası saparymnyń sońy emes, tek basy. Men ómirdi jaqsartýǵa, quqyqtardy qorǵaýǵa jáne Irlandııa halqyna adaldyqpen qyzmet etýge árqashan daıynmyn. Men Irlandııanyń áleýmettik jáne ekonomıkalyq múddesin qorǵaı otyryp, álemdik arenada halqyma qyzmet etýdi jalǵastyramyn – buǵan esh kúmánim joq. Bul marafon. Sprınt emes! — dep túıindedi Makgregor.

Irlandııada prezıdenttik saılaý 2025 jyldyń 11 qarashasynda ótedi. Maıkl Hıggıns bul qyzmetti 2011 jyldyń qarashasynan beri atqaryp keledi.

Buǵan deıin UFC-diń burynǵy chempıony Irlandııadaǵy prezıdent saılaýyna qatysýǵa nıetti ekenin aıtqan bolatyn.