Konnektıkýt Kongresiniń 5 múshesiniń úıine bomba qoıyldy degen habar kelgen

ASTANA. KAZINFORM – AQSh-tyń Konnektıkýt shtatyndaǵy Demokratııalyq partııanyń jeti zań shyǵarýshysynyń beseýi Alǵys aıtý kúni qarsańynda qaýipke tap bolǵan, atap aıtqanda olar «úılerińe bomba qoıyldy» degen habar alǵan, dep jazady NBC News.

Demokratııalyq partııa ókilder Djım Hıms, Djahana Heıs, Djo Kortnı, Djon Larson, Roza DeLaýro jáne Krıs Merfı jazbasha málimdemeler jasap, «shabýyl qaýpi» tóngenin aıtqan.

Dj.Heıs «X» áleýmettik jelisinde habarlaýynsha, onyń poshta jáshigine qoldan jasalǵan bomba bar ekeni týraly hat kelgen. Jergilikti polıtsııa tekserý kezinde eshqandaı «jarylǵysh zat» tappaǵan.

Kongresstiń basqa músheleri de osylaı qorqytqan, biraq quqyq qorǵaý organdary eshqandaı bomba tappaǵan.

Polıtsııa tergeý júrip jatqanyn, biraq ázirge eshkimge eshqandaı aıyp taǵylmaǵanyn aıtty.

Kapıtolıı polıtsııasy ótken jyly Kongress múshelerine qaýip tóndiretin 8 myńnan astam oqıǵany teksergenin aıtqan.

Osyǵan deıin ShQO-da jasóspirim polıtsııaǵa mektepke bomba qoıylǵany jóninde habar jibergeni týraly jazdyq.