Kóńil kóterý oryndarynda ishimdik satý ýaqytyn shekteý qajet – Erjan Sádenov

ASTANA. KAZINFORM — Іshimdikti onlaın satýǵa tyıym salý qajet. Bul týraly Іshki ister mınıstri Erjan Sádenov aıtty.

— Búginde krımınaldyq ahýalǵa yqpal etetin negizgi faktorlardyń biri — ishimdikke salyný. Jyl saıyn mas kúıde 10 myńǵa jýyq qylmys jasalady. Aldyn alý sharalary qabyldanyp jatyr. Іshimdik ishý faktileriniń jolyn kesemiz. Mas adamdardy qoǵamdyq oryndardan oqshaýlaımyz. Esepte turǵandarǵa ishimdik ishýge tyıym engiziledi. Degenmen, bul — saldarmen kúres qana, — dedi Erjan Sádenov ІІM-de ótip jatqan Úkimet saǵatynda.

Onyń aıtýynsha, polıtsııa ókilettigi negizinen májirleý sharalary sanalady.

— Tabys qýǵan alaqol kásipkerler ishimdik satý jasy men ýaqytynaa qatysty shekteýlerdi buzady. Dámhanalar men barlarda táýlik boıy satady. Onlaın jetkizý keńinen qoldanylady. Bul rette lıtsenzııadan aıyrý sharasy tıimsiz. Ony kelesi kúni basqa adamnyń atynan alýǵa bolady. Bul másele vedomstvoaralyq komıssııa otyrysynda qaraldy. Іshimdikti tek arnaýly dúkenderde ǵana satý, lıtsenzııa berý talaptaryn kúsheıtý, ishimdikti onlaın satýǵa tyıym salý usynystary engizildi, — dedi mınıstr. 

Sonymen qatar ol kóńil kóterý orynarynda ishimdik satý ýaqytyn shekteý kerektigin basa aıtty.

— Atalǵan nysandarda mas kúıde 1 400-den astam qylmys, onyń ishinde 3 adam ólimi oryn aldy. Degenmen, búginde keıbir memlekettik organdar bul tásilderdi qoldamaı otyr, — dedi ol.