Konkýrsqa usynylǵan 127 jumystan 12 ǵylymı jumys jeńimpaz atandy
ASTANA. Jeltoqsannyń 14-i. QazAqparat. Búgin jaratylystaný, gýmanıtarlyq jáne pedagogıkalyq ǵylymdar salasyndaǵy úzdik zertteýleri úshin elimizdiń ǵalymdaryna syılyqtar tabys etý rásimi ótti,
dep habarlaıdy QazAqparat QR Bilim jáne ǵylym mınıstrliginiń baspasóz qyzmetine silteme jasap.
Jeńimpazdardy quttyqtaǵan Qazaqstan Respýblıkasy Bilim jáne ǵylym mınıstri Janseıit Túımebaev ǵylym salasyndaǵy syılyqtardyń Qazaqstan qoǵam qaıratkerleri men ataqty ǵalymdar atymen atalýy - elimizdiń zııaly qaýymy men ǵylymnyń aldyńǵy shebindegi ǵalymdarymyz úshin erekshe mańyzdylyǵyna toqtaldy.
Konkýrsqa usynylǵan 127 jumystan 12 ǵylymı jumys jeńimpaz atandy, olar ǵylymı mindetterdi sheshýde tereń mazmundylyǵymen erekshelengen, teorııalyq jáne praktıkalyq turǵydan mańyzdy.
Q.I.Sátbaev atyndaǵy jaratylystaný ǵylymdary salasyndaǵy úzdik ǵylymı zertteýler úshin: birinshi syılyq:
«Sıngýlıarly koeffıtsıentteri bar jazyqtyqtaǵy derbes týyndyly teńdeýler júıeleri úshin shettik esepter» taqyrybyna arnalǵan ǵylymı jumystar tsıkli úshin mynadaı quramdaǵy avtorlar ujymyna:
«Qarjy akademııasy» aktsıonerlik qoǵamy tóraǵasy, pedagogıka ǵylymdarynyń doktory, professor Ábdimanapov Sársenǵalı Ábdiǵalıulyna;
«Qarjy akademııasy» aktsıonerlik qoǵamy «Jaratylystaný-tehnıkalyq pánder» kafedrasynyń meńgerýshisi, fızıka-matematıka ǵylymdarynyń doktory, professor Túnqatarov Álıasqarǵa; ekinshi syılyq:
«Tereńdegi uńǵy qurylysyn júrgizýge qajetti qural-saımandardyń jańa túrlerin jasaýdyń ǵylymı-qoldanbaly negizderi» taqyrybyna arnalǵan ǵylymı jumys úshin mynadaı quramdaǵy avtorlar ujymyna:
«Almas» ǵylymı-engizý ortalyǵy» JShS bas ǵylymı qyzmetkeri Mendebaev Toqtamys Núsipqululyna;
«Almas» ǵylymı-engizý ortalyǵy» dırektory Gorodetskıı Iosıf Markovıchke;
«Almas» ǵylymı-engizý ortalyǵy» JShS jetekshi ınjeneri Smashov Nurlan Jaqsybekulyna;
«Geologtúsirýortalyq» JShS dırektory Ismaılov Handash Qalbyoǵlyna;
«Geologtúsirýortalyq» JShS bas ınjeneri Izakov Beıbitshilik Qadyrulyna;
Sh.Sh.Ýálıhanov atyndaǵy gýmanıtarlyq ǵylymdary salasyndaǵy úzdik ǵylymı jetistikteri úshin:
birinshi syılyq:
«Ulttyq kórkemdik dástúrler jáne olardyń qazaq operasyndaǵy konvergenttigi» jumysy úshin M.O. Áýezov atyndaǵy Ádebıet jáne óner ınstıtýtynyń ónertaný sektorynyń bas ǵylymı qyzmetkeri Kúzembaı Sara Ádilkereıqyzyna; ekinshi syılyq: «Álem tanyǵan tulǵa» jumysy úshin R.B. Súleımenov atyndaǵy Shyǵystaný ınstıtýtynyń shyǵystyq nusqajúrgizý, Shyǵys halyqtarynyń tarıhymen mádenıeti bóliminiń bas ǵylymı qyzmetkeri Esmaǵanbetov Kóshim Lekerulyna; Y.Altynsarın atyndaǵy pedagogıka salasyndaǵy úzdik ǵylymı zertteýler úshin syılyq: birinshi syılyq:
«Mádenıettaný» jumysy úshin Ál-Farabı atyndaǵy Qazaq ulttyq ýnıversıtetiniń mádenıantropologııa kafedrasynyń professory Ǵabıtov Tursyn Hafızulyna;
Kúltegin atyndaǵy syılyq túrkologııa salasyndaǵy asa zor jetistikteri úshin:
«Uly qaǵanat (túrikter, muńǵyldar, tatarlar)» jumysy úshin L.N. Gýmılev atyndaǵy Eýrazııa ulttyq ýnıversıtetiniń «Eýrazııa» ǵylymı ortalyǵynyń bas ǵylymı qyzmetkeri Qoıshyǵara Salǵaraulyna;
D.A.Qonaev atyndaǵy jaratylystaný ǵylymdary salasyndaǵy jas ǵalymdardyń úzdik jumystary úshin:
«Antızotroptyq keńistikter úshin ınterpolıatsııalaý tásilderi jáne olardyń qoldanýy» jumysy úshin M.V. Lomonosov atyndaǵy Máskeý memlekettik ýnıversıtetiniń Qazaqstan fılıaly matematıka ınformatıka kafedrasynyń dotsenti Bekmaǵanbetov Qýanysh Ábdirahmanulyna;
«Baqylaý júrgizý ádistemelerin jáne geodezııalyq polıgonnyń parametrlerin negizdeý» jumysy úshin Q.I. Sátbaev atyndaǵy Qazaq ulttyq tehnıkalyq ýnıversıtetiniń «ınjenerlik geodezııa jáne jerge ornalastyrý» kafedrasynyń assıstenti Qaıranbaeva Aınur Berikqalıqyzyna;
«Ertis ózeniniń jaǵalaýyndaǵy (faýnasy, ekologııasy, kúres sharalary) qosqanatty qansorǵyshtar (diptera: culicidae, ctratopogonidae, tabanidae)» jumysy úshin S. Toraıǵyrov atyndaǵy Pavlodar memlekettik ýnıversıtetiniń bıologııa ı ekologııa kafedrasynyń aǵa oqytýshysy Nurlına Aınagúl Balǵaqyzyna;
M.O.Áýezov atyndaǵy gýmanıtarlyq ǵylymdary salasyndaǵy jas ǵalymdardyń úzdik jumystary úshin:
«Ortalyq Azııadaǵy ıntegratsııalyq úderister: máseleleri jáne bolashaǵy» jumysy úshin L.N. Gýmılev atyndaǵy Eýrazııa ulttyq ýnıversıtetiniń «Halyqaralyq qatynastar» kafedrasynyń aǵa oqytýshysy Sherııazdanova Kámılá Ǵalymqyzyna;
«Ǵalamdastyrý zamanynda joǵary bilim berý varıatıvtiligi» jumystary tsıkli úshin Qazaq memlekettik qyzdar pedagogıkalyq ýnıversıtetiniń «Jalpy pedagogıka» kafedrasynyń dotsenti mindetin atqarýshy Anarbek Nazgúlge;
«Jańa pedagogıkalyq tujyrymdar, ıdeıalar, tendentsııasy jıyntyǵynda oqý-tárbıelik úderisti basqarý» jumystary tsıkli úshin Ál-Farabı atyndaǵy Qazaq ulttyq ýnıversıtetiniń «Jalpy jáne etnıkalyq pedagogıka» kafedrasynyń aǵa oqytýshysy Sadýaqasova Zýhra Maratqyzyna berildi.
