Konkýrs barysynda tórt qazaqstandyq JOO rektoryn taǵaıyndaý usynyldy
ASTANA. QazAqparat - Qazaqstan Respýblıkasy Parlamenti Senatynyń depýtaty Darıǵa Nazarbaevanyń tóraǵalyq etýimen Respýblıkalyq konkýrstyq komıssııanyń memlekettik 6 joǵary ornynyń rektorlaryn saılaý jónindegi otyrysy boldy.
Olar Q. Jubanov atyndaǵy Aqtóbe óńirlik memlekettik ýnıversıteti, Qaraǵandy memlekettik ındýstrııalyq ýnıversıteti, Sh.Esenov atyndaǵy Kaspıı memlekettik tehnologııa jáne ınjınırıng ýnıversıteti, M.Qozybaev atyndaǵy Soltústik Qazaqstan memlekettik ýnıversıteti, Taraz memlekettik pedagogıkalyq ýnıversıteti jáne M.H. Dýlatı atyndaǵy Taraz memlekettik ýnıversıteti.
Respýblıkalyq konkýrstyq komıssııasynyń qaraýyna osy 6 joǵary oqý ornynyń baıqaýshylar keńesi usynǵan, konkýrsqa ótinish bergen 45 adamnyń 11-i usynyldy.
Úmitkerlermen áńgimelesý jáne olardyń joǵarǵy oqý oryndaryn damytý jónindegi baǵdarlamalaryn talqylaý qorytyndysy boıynsha Q. Jubanov atyndaǵy Aqtóbe óńirlik memlekettik ýnıversıtetine Baýyrjan Erdembekovti, Qaraǵandy memlekettik ındýstrııalyq ýnıversıtetine Baqyt Jáýtikovti, M.Qozybaev atyndaǵy Soltústik Qazaqstan memlekettik ýnıversıtetine Serik Ómirbaevty, Taraz memlekettik pedagogıkalyq ýnıversıtetine Darııakúl Qojamjarovany rektor etip taǵaıyndaý usynyldy.
Sh.Esenov atyndaǵy Kaspıı memlekettik tehnologııa jáne ınjınırıng ýnıversıteti jáne M.H. Dýlatı atyndaǵy Taraz memlekettik ýnıversıteti boıynsha konkýrs ótpegen bolyp sanaldy jáne Bilim jáne ǵylym mınıstrligine konkýrsty qaıta ótkizý jóninde usynys aıtyldy.
Rektorlardyń saılanýy jáne eseptiligi qaǵıdasynyń engizilýi joǵary oqý oryndarynyń akademııalyq jáne basqarý derbestigin kezeń-kezeńmen ulǵaıtý aıasyndaǵy «100 naqty qadam» Ult josparynyń 78-shi qadamyna sáıkes keledi.
