Konkýrdan el kýbogyn Ánýar Dosmaılov enshiledi
ASTANA. KAZINFORM — «Arǵymaq» at sporty-saýyqtyrý kesheninde konkýrdan Qazaqstan Respýblıkasy Kýbogi aıaqtaldy. Eki kúnge sozylǵan respýblıkalyq jarysqa elimizdiń óńirlerinen úzdik shabandozdar qatysyp, bıiktigi 100-den 130 santımetrge deıingi kedergileri bar alty marshrýtta ózara myqtyny anyqtady.
Jarystyń basty júldesin Ánýar Dosmaılov ıelendi. Sportshy 130 santımetr bıiktiktegi sheshýshi marshrýtta Google MeTH jáne A’Korvette atty eki atymen de sátti óner kórsetip, sáıkesinshe І jáne ІІ oryndardy jeńip aldy.
Kýbok baǵdarlamasyna barlyǵy alty marshrýt engizildi. Birinshi jarys kúninde sportshylar 100, 110 jáne 120 santımetr bıiktiktegi marshrýttarda baq synasa, ekinshi kúni 110, 120 jáne 130 santımetrlik marshrýttar boıynsha jarysty.
Birinshi jarys kúniniń nátıjeleri:
№ 1 marshrýt — 100 sm
- І oryn — Amıra Kabjanova jáne Shah («Kókpar Astana» klýby)
- ІІ oryn — Arman Qajakat jáne Shelbı (jeke qatysýshy)
- ІІІ oryn — Karına Naı jáne Fırmach («Kókpar Astana» klýby)
№ 2 marshrýt — 110 sm
- І oryn — Erjan Qorabaı jáne Búrkit (Prestige Horse Club)
- ІІ oryn — Ánýar Dosmaılov jáne Google MeTH (NAIMIR)
- ІІІ oryn — Azamat Hasenov jáne Lady in Red AST («Kókpar Astana» klýby)
№ 3 marshrýt — 120 sm
- І oryn — ıAna Jemchýjına jáne Bavarııa (NAIMIR)
- ІІ oryn — Ánýar Dosmaılov jáne A’Korvette (NAIMIR)
- ІІІ oryn — Ánýar Dosmaılov jáne Google MeTH (NAIMIR)
Ekinshi jarys kúniniń nátıjeleri
№ 1 marshrýt — 110 sm
- І oryn — Arman Qajakat jáne Shelbı (jeke at ıesi)
- ІІ oryn — Karına Naı jáne Fırmach («Kókpar Astana» klýby)
- ІІІ oryn — Abzal Narymbaı jáne Gordyı («Kókpar Astana» klýby)
№ 2 marshrýt — 120 sm
- І oryn — Alına Bıgalıeva jáne Hi Diarado (Prestige Horse Club)
- ІІ oryn — Ánýar Dosmaılov jáne A’Korvette (NAIMIR)
- ІІІ oryn — Karına Naı jáne Fırmach («Kókpar Astana» klýby)
№ 3 marshrýt — 130 sm
- І oryn — Ánýar Dosmaılov jáne Google MeTH (NAIMIR)
- ІІ oryn — Ánýar Dosmaılov jáne A’Korvette (NAIMIR)
Qazaqstan Kýbogi-2026 joǵary deńgeıdegi básekemen, tartysty jaryspen jáne sportshylardyń sheber óner kórsetýimen qorytyndylandy. Jarys barysynda shabandozdar men jylqylar arasyndaǵy úılesim, senim jáne kásibı daıyndyq sheshýshi ról atqardy.
Konkýrdan Qazaqstan Respýblıkasy Kýbogin ótkizý eldegi at sportyn odan ári damytýǵa, ulttyq qurama músheleriniń sheberligin arttyrýǵa, perspektıvaly sportshylar men jylqylardy anyqtaýǵa, sondaı-aq tóreshilerdiń kásibı deńgeıin jetildirýge baǵyttalǵan.
Eske salaıyq, buǵan deıin at sportynan Qazaqstan quramasynyń jattyqtyrýshylar shtaby Aıchı jáne Nagoıa qalalarynda ótetin 2026 jylǵy Azııa oıyndaryna qatysatyn sportshylardy ataǵan edi.
