Qazaq palýan Ózbekstan qorjynyna Azıada altyn júldesin saldy
NAGOıA. KAZINFORM — Ózbekstan quramasy sapynda óner kórsetetin ulty Qazaq palýan Aıtjan Halmahanov Japonııada ótip jatqan HH jazǵy Azııa oıyndarynda top jardy.
Qandasymyz grek-rım kúresinen erler arasynda 67 keli salmaqta jarys jolyna shyǵyp, qarsylas shaq keltirmedi.
Aıtjan eń áýeli Qytaı sportshysy Leń Djıdi 9:0 esebimen oısyrata jeńdi. Shırek fınalda Saýd Arabııa ókili Mýntırı Abdýlla A. Djandýdi 8:0 esebimen taza jeńdi.
Jartylaı fınalda, ózbekstandyq qandasymyz qyrǵyzstandyq Razzak Beıshkeevti 5:0 esebimen qapy qaldyrdy. Al aqtyq synda ol japondyq Kıotoro Sogabeni 3:2 esebimen jeńip, chempıon atandy.
Aıtjan Halmahanov 2025 jyly Álem jáne Azııa chempıonatynyń chempıony atanǵan bolatyn. Sonymen qatar, sportshy Islam oıyndarynda qola júlde qanjyǵalaǵan.
Aıta keterligi, osy salmaqta qazaqstandyq palýan Meıirjan Shermahanbet qola medal enshiledi.
Osyǵan deıin habarlaǵanymyzdaı, etnıkalyq Qazaq sportshy Qadirbek Elka HH jazǵy Azııa oıyndarynda Mońǵolııa quramasy qorjynyna alǵashqy altyn syılady.
