Konkımen júgirýden qysqy Olımpıadaǵa Qazaqstan quramasynan kimder qatysady
ASTANA. KAZINFORM — Konkımen júgirýden 14 qarasha men 14 jeltoqsan aralyǵynda AQSh, Kanada, Nıderland jáne Norvegııada ótken álem kýbogy kezeńderiniń qorytyndysy boıynsha Qazaqstan quramasy 12 lıtsenzııa jeńip aldy.
Ulttyq quramanyń jattyqtyrýshylar shtabynyń sheshimimen 2026 jylǵy qysqy Olımpıadada konkımen júgirýden el namysyn qorǵaıtyn sportshylardyń esimi belgili boldy. Olar: Evgenıı Koshkın, Krıstına Sılaeva, Elızaveta Golýbeva, Nadejda Morozova jáne Arına Ilıaşenko.
Esterińizge sala keteıik, buǵan deıin mánerlep syrǵanaý sportynan Mıhaıl Shaıdorov pen Sofıa Samodelkına álem chempıonatynda olımpıadalyq normatıvti oryndap, eki joldama jeńip alǵan. Sonymen qatar otandyq short-trekshiler el qorjynyna taǵy 9 joldama saldy.
Bapkerler quramynyń sheshimimen Mılanda Denıs Nıkısha, Abzal Ájiǵalıev, Olga Tıhonova jáne ıAna Han baq synaıdy. Osylaısha, qazirgi tańda Qazaqstan quramasynyń qorjynynda sporttyń úsh túrinen 23 lıtsenzııa bar. Olımpıadaǵa arnalǵan naqty lıtsenzııa sany 2026 jylǵy qańtar aıynyń sońynda belgili bolady.
XXV qysqy Olımpııa oıyndary 2026 jylǵy 6-22 aqpan kúnderi Italııanyń Mılan jáne Kortına-d’Ampetstso qalalarynda ótedi. Oǵan álemniń 93 elinen 3 500-den astam sportshy qatysady.
Budan buryn frıstaıl-mogýldan Anastasııa Gorodko Frantsııada ótken týrnırde eki altyn medal jeńip alǵanyn jazǵan edik.
