Konkımen júgirýden Qazaqstan quramasy AQSh-ta kúmis júlde aldy

ASTANA. KAZINFORM – Búgin AQSh-tyń ıÝta shtatynda (Solt-Leık-Sıtı) konkımen júgirýden ótip jatqan 4 qurlyq chempıonatynda Qazaqstan erler quramasy kúmis júldege ıe boldy.

QR Týrızm jáne sport mınıstrligi Sportty damytý dırektsııasynyń baspasóz qyzmeti málim etkendeı, komandalyq sprıntte elimizdiń erler quramasy kúmis júldeger atandy.

Altaı Járdembekuly, Evgenıı Koshkın, Nıkıta Vajenın men Artýr Galıev (rezervte) kvarteti tek chempıon atanǵan Kanada quramasynan 3,17 sekýnd qalyp, ekinshi orynǵa taban tiredi. Al úzdik úshtikti Ońtústik Koreıa konkıshileri qanjyǵalaryna baılady.

Aıta keteıik, bıyl atalǵan dodaǵa 8 memleketten kelgen 80-ge jýyq sportshy synǵa túsip jatyr.

Erteń sheshýshi jarys kúni erler men áıelder arasynda iz kesý, jekeleı syndaǵy 100 metr men mass-start jarysy ótedi.

Jalpy 4 qurlyq chempıonaty degen Eýropadan basqa qurlyqtaǵy memlekettiń sportshylary synǵa túsetin jyl saıynǵy jarys.