Konkımen júgirýden Evgenıı Koshkın TOP-10 sportshynyń qataryna kirdi

ASTANA. KAZINFORM - Búgin Italııadaǵy XXV qysqy Olımpıada oıyndarynda konkımen júgirýden eń qysqa 500 metrde jeńimpazdar anyqtaldy.

Álemdegi eń TOP-3 jyldam sportshynyń qataryna kiretin Evgenıı Koshkın qashyqtyqty 34.56 sekýndta júgirip ótti, dep habarlaıdy QR Týrızm jáne sport mınıstrligi Sportty damytý dırektsııasynyń baspasóz qyzmeti.

1.Djordan Shtolts (AQSh) - 33.77 sekýnd (Olımpıada rekordyn jańartty)

2.Ennıng De Bo (Nıderland) - 33.88 sekýnd

3. Loran Dıýbreı (Kanada) - 34.26 sekýnd

9-oryn. Evgenıı Koshkın - 34.56 sekýnd

Evgenıı Koshkın 2025 jyly Solt-Leık-Sıtıde (AQSh) ótken álem Kýbogynyń birinshi kezeńinde 500 metrdi 33.67 sekýndta (tarıhtaǵy úshinshi kórsetkish) baǵyndyryp, tikeleı Mılan Olımpıadasyna joldama alǵan.

Aıta keteıik, endi erteń Evgenıı Koshkınnyń áıeli Krıstına Sılaeva dál osy qashyqtyqta júldege talasady.

Osyǵan deıin habarlaǵanymyzdaı, Qazaqstan quramasy paralleldi mogýl saıysynda júldeden tys qaldy.