Konkımen júgirýden álem kýbogy: Morozova jalpy esepte úzdik bestikke endi

ASTANA. KAZINFORM – Intsell qalasynda (Germanııa) konkımen júgirýden álem kýbogynyń sheshýshi kezeńi aıaqtaldy.

Bul jarystyń nátıjesi sportshylardyń álem kýbogynyń jalpy esebindegi oryndaryna áser etti. 

Nadejda Morozova Qazaqstan quramasy sapynda reıtıngide eń joǵary nátıje kórsetti. 3 000 metr qashyqtyqta ol márege besinshi bolyp jetti. Sondaı-aq Morozova 1 500 metrde de úzdik ondyqqa enip, altynshy oryndy ıelendi.

500 metr qashyqtyqta Krıstına Sılaeva onynshy oryndy saqtap qaldy. Osy dıstsıplınada Evgenıı Koshkınniń úzdik bestikke enýge múmkindigi joǵary boldy. Germanııadaǵy kezeńge deıin ol jalpy esepte jetinshi orynda turǵan edi.

Týrnırdiń alǵashqy kúninde Koshkın tórtinshi oryn alyp, reıtıngidegi jaǵdaıyn jaqsartty. Alaıda álem kýbogynyń sońǵy kúni ol ereje buzyp, upaısyz qaldy. Sodan keıin qazaqstandyq sportshy úzdik ondyqtan shyǵyp, 11-orynǵa turaqtady. 

Áıelder arasyndaǵy komandalyq iz kesý jarysynda Qazaqstan quramasy álem kýbogyn segizinshi orynmen aıaqtady. 

Aıta keteıik, ulttyq quramanyń kelesi iri halyqaralyq jarysy – 2026 jyly Italııada ótetin Olımpıada oıyndary bolmaq. 

Buǵan deıin habarlaǵanymyzdaı, Krıstına Sılaeva Germanııadaǵy álem kýbogy kezeńinde tórtinshi oryn aldy.