Konkımen júgirýden álem kýbogy kezeńinde qazaqstandyqtar 11 medal aldy

ASTANA. KAZINFORM — Italııanyń Kollalbo qalasynda konkımen júgirýden jasóspirimder arasyndaǵy álem kýbogynyń kezeńi aıaqtaldy.

Bul iri básekede Qazaqstan quramasy tabysty óner kórsetip, jalpy esepte 11 medal jeńip aldy.

Krıstına Shýmekova úsh qashyqtyqta: 1 000, 1 500 jáne 3 000 metrde qarsylastarynan oq boıy ozyp shyǵyp, úsh dúrkin jeńimpaz atandy.

Neo-senorlar sanatynda Alına Daýranova 500 metrlik jarysta Qazaqstan qorjynyna altyn medaldi saldy.

Sol sanatta 1 000 metrlik qashyqtyqta Darıa Vajenına men Dmıtrıı Osıpenko kúmis júldege ıe bolsa, Alına Daýranova men Andreı Semenov qola júldeni qanaǵat tutty.

Inessa Shýmekova 500 metrde ekinshi orynǵa kóterildi. Al Dmıtrıı Osıpenko 1 500 metrde úzdik úshtikti túıindedi. 

Mass-startta Abylaıhan Qaıyrǵazy márege ekinshi bolyp jetti. 

Buǵan deıin Evgenıı Koshkın konkımen júgirýden álem kýbogy kezeńinde kúmis júlde alǵanyn jazǵan edik.