Konkımen júgirýden álem chempıonatyna baratyn qazaqstandyq sportshylar anyqtaldy

ASTANA. KAZINFORM – 7-10 naýryz aralyǵynda Germanııanyń Intsell qalasynda konkımen júgirýden sprınt pen kópsaıystan ótetin álem chempıonatynda el namysyn qorǵaıtyn Qazaqstan quramasy anyqtaldy.

Sportty damytý dırektsııasynyń baspasóz qyzmeti málim etkendeı, bıylǵy básekede el namysyn Aqjol Nuraly, Altaı Járdembekuly, Ekaterına Aıdova, Alına Daýranova, ápkeli-sińlili Inessa jáne Krıstına Shýmekovalar qorǵaıdy. Olar kelesi qashyqtyqta synǵa túsedi: 

Aqjol Nuraly – (kópsaıys) 1-kúni 500-3 000 m, 2-kúni 1 500-5 000 metr.

Altaı Járdembekuly – (sprınt) eki kúnde 500-1 000 metr.

Ekaterına Aıdova – (kópsaıys) 1-kúni 500-1 500 metr, 2-kúni 1 000-3 000 metr.

Alına Daýranova – (sprınt) eki kúnde de 500-1 000 metr.

Inessa jáne Krıstına – (sprınt) eki kúnde de 500-1 000 metr.

Ulttyq quramanyń bas bapkeri – Aleksandr Panfılov.