Konkımen júgirý: Qazaqstan 24 jyldan keıin 5000 metrge sportshy qosty

ASTANA. KAZINFORM – Italııanyń Mılan qalasynda ótip jatqan XXV qysqy Olımpıada oıyndarynda áıelder arasynda 5000 metr qashyqtyqqa konkımen júgirýden júldegerler anyqtaldy, dep habarlaıdy Sportty damytý dırektsııasy. 

Bul qashyqtyqta Qazaqstan atynan 24 jyldan keıin alǵash ret Nadejda Morozova baq synady

Buǵan deıin qysqy Olımpıadada áıelder arasynda 5000 metrge tek Lıýdmıla Prokasheva 1994, 1998 jáne 2002 jyldary qatysqan. Ol 1998 jyly dál osy qashyqtyqta qola júlde jeńip alǵan.

Mılan Olımpıadasyndaǵy nátıjeler:

1. Francheska Lollobrıdjıda (Italııa) – 6:46.17

2. Merel Koneın (Nıderland) – 6:46.27

3. Raıne Vıklýnd (Norvegııa) – 6:46.34

4. Nadejda Morozova (Qazaqstan) – 7:04.81

Aıta keteıik, 14 aqpanda áıelder komandalyq saıysy ótedi. Sondaı-aq Evgenıı Koshkın 500 metr qashyqtyqta júldege talasady.

Buǵan deıin frıstaıl-mogýldan Pavel Kolmakov jekeleı synda jarys jolyn aıaqtady.