Konkımen júgirý: álem chempıonatynyń alǵashqy kúninde qazaqstandyqtar qalaı óner kórsetti

ASTANA.KAZINFORM – Nıderlandynyń Herenven qalasynda konkımen júgirýden sprınterlik kópsaıystan álem chempıonaty ótip jatyr.

Álem birinshiliginde Qazaqstan atynan Artýr Galıev pen Arına Ilıaşenko óner kórsetip jatyr. Jarystyń alǵashqy kúni 500 jáne 1000 metr qashyqtyqtaryndaǵy alǵashqy saıystar ótti.

Nátıjesinde otandastarymyz jalpy aralyq esepte mynadaı oryndarǵa jaıǵasty:

Artýr Galıev - 26-oryn (jalpy 70.905 upaı)

Arına Ilıaşenko - 19-oryn (77.660 upaı)

Búgin, 6 naýryzda osy qashyqtyqtarda ekinshi saıys ótedi. Sonyń qorytyndysy boıynsha jınaǵan upaı sanyna qaraı álem chempıonatynyń jeńimpazdary anyqtalady.

Qazirgi ýaqytta Femke Kok (Nıderland) pen Iennıng de Bý (Nıderland) kósh bastap tur.

Aıta keteıik, búgin 2026 jylǵy qysqy Paralımpıada oıyndarynyń ashylý saltanaty ótedi.