Qońqabaev bokstan Álem chempıonatynda alań ıesin jeńdi
ASTANA. QazAqparat - 91 kelden joǵary salmaq dárejesindegi qazaqstandyq sportshy Qamshybek Qońqabaev Gambýrgtegi bokstan Álem chempıonatynda óziniń alǵashqy aıqasyn ótkizdi, dep habarlaıdy QazAqparat.
Qońqabaev qarsylasy - nemis Maks Kellerdi aıqyn basymdyqpen jeńdi, esep - 5:0.
Endi qazaqstandyq boksshy 29 tamyz kúni shırek fınaldyq kezdesýin ótkizedi. Ol ózbek Bahodır Djalolovpen qolǵap túıistiretin bolady.
Eske salsaq, buǵan deıin shırek fınalǵa 4 sportshymyz - Ábilhan Amanqul (75 kelige deıin), Jomart Erjan (49 keli), Qaırat Eralıev (56 keli), Vasılıı Levıt (91 kelige deıin) pen Abylaıhan Júsipov (69 keli) ótken bolatyn. 29 tamyzda Jomart reseılik Vasılıı Egorovpen, Qaırat nemis Omar El-Hagpen, Ábilhan kýbalyq Arlen Lopespen, Vasılıı avstralııalyq Djeıson Ýotelımen qolǵap túıistiredi.
Úsh sportshymyz - Azamat Isaqulov (52 keli) pen Ádilet Qurmetov (60 keli) pen Bekdáýlet Ibragımov (64 kelige deıin) týrnırdegi jarysyn aıaqtady.
25 tamyzda bastalǵan bokstan Álem chempıonaty toǵyz kúnge jalǵasyp, 2 qyrkúıek kúni márege jetedi.
