Qonysbek Tókenov grek-rım kúresinen ulttyq quramanyń bas bapkeri boldy
ASTANA. KAZINFORM – QR Týrızm jáne sport mınıstrligi Sport jáne dene shynyqtyrý isteri komıtetiniń tóraǵasy Rýslan Esenalınniń buıryǵymen Qonysbek Tókenov grek-rım kúresi Qazaqstan ulttyq quramasynyń bas bapkeri qyzmetine taǵaıyndaldy.
Sport jáne dene shynyqtyrý isteri komıtetinen málim etkenindeı, buǵan deıin osy qyzmetti atqarǵan ıÝrıı Melnıchenko endi komandada bas bapkerdiń keńesshisi retinde jumys isteıdi.
ıÝrıı Melnıchenkonyń jetekshiligimen Qazaqstan grek-rım kúresinen Parıj Olımpıadasy (Demeý Jadyraev) men byltyrǵy álem chempıonatynda kúmis medal (Erjet Jarlyqasyn) jeńip alǵan.
Osyǵan deıin Qonysbek Kárimuly 20 jasqa deıingi Qazaqstan komandasynyń aǵa jattyqtyrýshysy boldy.
Qonysbek Tókenov úshin bas bapker qyzmetindegi alǵashqy resmı halyqaralyq jarys 17-20 shilde aralyǵynda Býdapeshte ótetin reıtıngilik týrnır bolady.
Eske sala keteıik, budan buryn Erjet Jarlyqasynnyń grek-rım kúresinen álem chempıonatynyń kúmis júldesin alǵanyn jazǵan bolatynbyz.