Kóńildi tapqyrlar «Astana kýbogyna» talasady
ASTANA. QazAqparat - Astana kúni merekesi qarsańynda KTK (KVN) Ortaazııalyq lıgasynyń JQL maýsymy aıasynda dástúrli halyqaralyq festıvali ótedi, dep habarlaıdy Astana qalasynyń 16 jyldyǵyna arnalǵan merekelik sharalardy daıyndaý jáne ótkizý jónindegi uıymdastyrý komıtetiniń medıa-shtaby.
3 shildede Kongress holl saraıynda ótetin óner dodasynda komandalar «Astana kýbogyna» talaspaq. Tanymal KVN komandalary Astana turǵyndary men qonaqtaryn qyran-topan kúlkige bólemek.
Ortaazııa lıganyń qatysýshylary: "Sbornaıa RÝDN" (Máskeý), "SOıÝZ"(Tıýmen), "Azııa MIX" (Bishkek), "Qazaqstannyń jańa quramasy" (Astana), "Sbornaıa Baký" (Ázerbaıjan).
Merekelik sharalar tizimindegi Astana Kýbogyna arnalǵan «KTK» Ekinshi Qazaqstandyq festıvali qala turǵyndary men qonaqtaryna tamasha kóńil-kúı, rııasyz kúlki syılamaq.
