Kóńildesine qupııa málimet berdi degen kúdikpen OBB-nyń burynǵy basshy jaýapqa tartylmaq
ASTANA. QazAqparat - AQSh-tyń Ortalyq barlaý basqarmasynyń burynǵy basshysy, otstavkadaǵy general Devıd Petreýstiń ústinen AQSh-tyń Federaldy barlaý bıýrosy men ıÝstıtsııa mınıstrligi qylmystyq is qozǵaý týraly másele kóterdi, dep habarlady VVS New York Times basylymyna silteme jasaı otyryp.
General Petreýs burynǵy kóńildesine qupııa aqparatty berdi degen kúdik bar. Generaldyń advokaty bul másele týraly áli eshqandaı aqparat taratqan joq.
Devıd Petreýs - AQSh-qa qyzmeti sińgen áskerı basshylardyń biri. Ol Aýǵanstan men Iraktaǵy AQSh operatsııalary kezinde Qarýly kúshterge basshylyq etken. 2011 jyly Ortalyq barlaý basqarmasyna tóraǵa etip taǵaıyndalǵan. Alaıda, kelesi jylynda óziniń bıografy jýrnalıst Pola Brodýellmen kóńildes ekeni Federaldy barlaý bıýrosyna málim bolyp qalǵandyqtan, qyzmetinen ketýge májbúr bolǵan. New York Times basylymynyń habarlaýynsha, Brodýeldiń kompıýterinen qupııa málimetter tabylǵan. Alaıda, Petreýs oǵan eshqandaı málimet bermegenin aıtyp, óz kinásin moıyndaǵan joq.
