Kóńildesin óltirgen Almaty oblysynyń turǵyny 9 jylǵa sottaldy
ASTANA. QazAqparat - Almaty oblysy qylmystyq ister jónindegi mamandandyrylǵan aýdanaralyq sotta kisi óltirgen Qarasaı aýdanynyń 29 jastaǵy turǵynyna qatysty qylmystyq isti qarady.
Sot baspasóz qyzmetiniń aqparatyna sáıkes, qylmys 2016 jyly Qarasaı aýdany Іrgeli kentinde oryn alǵan. Áıel kóńildesimen ishimdik iship otyryp janjaldasyp qalady, er adam oǵan qol jumsaǵan sátte áıel onyń moıyn tusyn pyshaqpen tilip jiberedi. Jedel járdem kelgenshe jaraqattan er adam kóz jumady.
Sot úkimimen áıel QR QK 99-babynda kózdelgen qylmysty jasaǵany úshin aıypty dep tanyldy, oǵan jalpy rejimdegi túzeý mekemesinde jazasyn óteı otyryp, 9 jyl bas bostandyǵynanan aıyrý úkimi taǵaıyndaldy.
