AQSh kongressi BAQ-ty qarjylandyrýdy 9,4 mıllıard dollarǵa qysqartpaq
VAShINGTON. KAZINFORM – AQSh Kongresiniń Ókilder palatasy beısenbi kúni Vashıngton ákimshiliginiń sheteldik kómek baǵdarlamalary men Ulttyq qoǵamdyq radıo (NPR) men PBS teleradıokorporatsııasyn qarjylandyrýdy 9,4 mıllıard dollarǵa qysqartý týraly usynysyn qoldady, dep jazdy TASS.
Sonymen qatar, zań shyǵarýshylar Ulttyq qoǵamdyq radıo (NPR) men PBS teleradıokorporatsııasynyń bıýdjetterin de qysqartýdy josparlap otyr.
Qujatty 214 zań shyǵarýshy qoldasa, 212-si qarsy daýys berdi. Palata otyrysy ókilder palatasynyń resmı saıtynda tikeleı efırde kórsetildi.
AQSh prezıdenti Donald Tramp bul usynysty osy aıdyń basynda Kongreske usynǵan bolatyn. Qujat buǵan deıin Kongress maquldaǵan 9,4 mıllıard dollar kólemindegi memlekettik qarjylandyrýdy joıýdy kózdeıdi. Bul qarajattyń 1,1 mıllıard dollary NPR men PBS-ke bólinýi tıis edi. Qalǵan 8,3 mıllıard dollar AQSh-tyń Halyqaralyq damý agenttigi (USAID) arqyly sheteldik kómek baǵdarlamalaryna baǵyttalýy kerek bolatyn. Qujattyń Senatta qashan qaralatyny áli belgisiz. Qazirgi ýaqytta Kongresstiń eki palatasynda da kópshilik oryndy respýblıkalyqtar ıelenip otyr.
Ókilder palatasynyń spıkeri, Lýızıana shtatynyń ókili respýblıkalyq Maık Djonson burynnan NPR men PBS-ti synap júrgen. Ol bul mekemeler memlekettik qarjy alýǵa tıis emes dep esepteıdi. Tramp ákimshiliginiń ókilderi bul buqaralyq aqparat quraldaryn demokrattardyń múddesine qyzmet etetin radıkaldy jáne lıberaldy ıdeıalardy nasıhattaıdy dep aıyptady.
Qysqartýǵa ushyraıtyn sheteldik kómek baǵdarlamalary mynalardy qamtıdy: klımattyń ózgerýine qarsy kúres, damý, bitimgerlik, densaýlyq saqtaý, bosqyndardy qoldaý jáne tabıǵı apattardyń saldaryn joıý jobalary.
AQSh ákimshiligi 3 aqpanda USAID qyzmetin is júzinde toqtatty. Bul sheshim kásipker Ilon Masktyń usynysy boıynsha qabyldanǵan. Ol jaqyndaǵa deıin federaldy úkimettiń tıimdiligin arttyrý, memlekettik apparatty qysqartý jáne bıýrokratııamen kúresý máselelerimen aınalysqan DOGE dep atalatyn agenttiktiń jumysyn qadaǵalaǵan.